Watan goragçylarynyň baýramyna bagyşlanyp sambo boýunça Aşgabat şäheriniň birinjiligi geçiriler diýip, Aşgabat şäheriniň sport we ýaşlar syýasaty Baş müdirligi habar berýär.
Ýaryş 2002-2004-nji ýyllarda doglan ýetginjekleriň arasynda Türkmenistanyň içeri işler ministrliginiň ýanyndaky «Galkan» sport merkezinde guralar. 24-nji 25-nji ýanwarda geçiriljek bu ýaryşda türgenler 10 agram derejesinde bäsleşerler.
Ýaryşda baýrakly orunlary eýelemegi başaran türgenlere Aşgabat şäheriniň sport we ýaşlar syýasaty Baş müdirliginiň Hormat hatlary gowşurylar.
Sadap MUHAMOWA,
TDNG-niň Neşirýat-çaphana orta hünär okuw mekdebiniň talyby.
