Futzala meňzeş oýny 1920-nji ýyllarda braziller oýnapdyr. 1958-nji ýylda Futbol boýunça dünýä çempionatynda Awstriýanyň milli ýygyndysynyň ýolbaşçysy Ýozef Argauer brazil oýunçylarynyň türgenleşýän zalyna barýar. Awtriýaly hünärmene zalda oýnalynýan futbol şeýlebir ýarapdyr welin, ol öz ýurduna baranda birnäçe futzal toparlaryny döredýär. Soňra sportuň bu täze görnüşi Nidarlandlara, Ispaniýa we Italiýa hem ýaýraýar. Nidarlandlar ilkinji bolup öz milli çempionatlaryny geçirýärler. 1968 – 69-njy ýyllarda geçen möwsümde «Sagabb» topary ýeňiş gazanýar.

1974-nji ýylda ilkinji gezek halkara duşuşygy geçirilýär. Rimde guralan duşuşykda Italýanyň milli ýygyndysy Liwiýalardan (ливийцев) 9:2 hasabyndan üstün çykýar.

Ilkinji gezek 1986-njy ýylda Budapeşde Dünýä çempionatynyň görnüşünde halkara ýaryşy geçirilýär. Oňa sekiz milli ýygyndy gatnaşyp, finalda Wengriýanyň milli ýygyndysy Nidarlantlardan üstün çykýar.

1989-njy ýylda Nidarlandlarda Futzal boýunça ilkinji resmi Dünýä çempionaty geçirilýär. Braziliýanyň milli ýygyndysy ilkinji resmi çempion bolýar.

Ilkinji Ýewropa çempionaty 1996-njy ýylda, Aziýa çempionaty 1999-njy ýyl geçirilip başlanýar.

Häzirki wagtda Futzal sportuň meşhur görnüşleriniň biri bolup, 30 milliondan gowrak adam futzal bilen meşgullanýar.

Futzal boýunça nobatdaky Aziýa çempionaty 2020-nji ýylyň 26-njy fewraly – 18-nji marty aralygynda gözel paýtagtymyzda – Aşgabatda geçiriler.

«Türkmen sporty» gazeti: 18.01.2020