2020-nji ýylyň «Türkmenistan –Bitaraplygyň mekany» diýip yglan edilmegi mynasybetli Türkmenistanyň Sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasynyň Türkmenistanyň Gyzyl Ýarymaý Milli jemgyýeti bilen bilelikde guramagynda 17-nji ýanwarda Türkmen döwlet bedenterbiýe we sport institutynda «Sport – parahatçylygyň, ynsanperwerligiň gözbaşy» atly maslahat geçirildi.
Bilşimiz ýaly, Gahryman Arkadagymyzyň baştutanlygynda häzirki döwürde türkmen sporty täze belentliklere galýar. Bu babatynda durmuşa geçirilýän işler nusgalykdyr. Her ýyl abraýly halkara ýaryşlaryny geçirýän ýurdumyz eýýäm bu ugurda baý tejribe toplady.
Maslahatyň dowamynda «Türkmenistan» Ýaşlar bedenterbiýe-sport guramasynyň başlygy, Türkmenistanyň Saglygy goraýyş we derman senagaty ministrliginiň wekili, Türkmenistanyň Bilim ministrliginiň wekili, Türkmenistanyň Gyzyl Ýarymaý Milli jemgyýetiniň wekili, şeýle-de, Aşgabat şäherinde geçiriljek Futzal boýunça Aziýa çempionatyna gatnaşjak meýletinçiler çykyş etdiler. Çykyş edenler Gahryman Arkadagymyzyň atalyk aladasy bilen ýurdumyzda halkara ýaryşlarynyň yzygiderli geçirilmeginiň asylly däbe öwrülendigini bellediler. Maslahatyň dowamynda oňa gatnaşyjylar hormatly Prezidentimize hoşallyk sözlerini aýtdylar.
«Türkmen sporty» gazeti: 18.01.2020
