Türkmenistanyň milli futzal ýygyndysynyň Aziýa çempionatyna görýän taýýarlyk işleri habar beriş serişdeleriniň nazaryndan sypmaýar. Paýtagtymyzdaky Olimpiýa şäherçesinde alnyp barylýan taýýarlyk işleri barada gazet-žurnallarda, telewideniýede we radioda yzygiderli çykyşlar guralyp durulýar.

Golaýda «Türkmenistan: Sport» teleýaýlymynyň sport synçysy Agamyrat Baýramow Türkmenistanyň milli futzal ýygyndysynyň horwatiýaly baş tälimçisi Robert Grdowiç bilen söhbetdeş boldy.

Horwatiýaly hünämren söhbetdeşlikde öňde duran taýýarlyk işleri barada gürrüň berdi. Baş tälimçiniň aýtmagyna görä, milli ýygyndy ýanwar aýynyň ahyryna çenli Aşgabat şäherindäki Olimpiýa şäherçesinde okuw-türgenleşik işlerini dowam eder.

Şondan soňra Türkmenistanyň milli futzal ýygyndysy okuw-türgenleşik işlerini geçirmek üçin Birleşen Arap Emirliklerine ugrar. Fewral aýynda bolsa Türkmenistanyň milli futzal ýygyndysy Taýlannda geçiriljek halkara ýaryşyna gatnaşar.

Ildeşlerimize öňdäki jogapkärli oýunlarda üstünlik arzuw edýäris!

Aşyr SAPAROW,

talyp.

Surata düşüren Begenç HALLAÝEW.