Sambo boýunça 2005-2006-njy ýyllarda we söweş sambo boýunça 2006-2007-nji ýyllarda doglan oglanlaryň arasynda Aşgabat şäheriniň açyk çempionaty geçirildi. Aşgabat şäheriniň sport we ýaşlar syýasaty Baş müdirliginiň 4-nji sport mekdebinde guralan bu ýaryşda türgenler 8 agram derejesinde bäsleşdiler.

Çempionatda öz agram derejesinde sambo boýunça R.Temirow (30 kg.), M.Kakaýew (35 kg.), M.Zeýnanow (38 kg.), A.Nuryýew (42 kg.), S.Saparow (46 kg.), M.Muhammedow (50 kg.), I.Änewow (55 kg.), R.Annamyradow (55+ kg.) dagylar I orna mynasyp boldular.

Söweş sambo boýunça geçirilen ýaryşyň netijesinde D.Babaýew (30 kg.), S.Nuryýew (35 kg.), A.Rejepnazarow (38 kg.), A.Annagurbanow (42 kg.), R.Aşyrow (46 kg.), Y.Meredow (50 kg.), A.Amanow (55 kg.), M.Orazmuhammedow (55+ kg.) dagylar I orna mynasyp bolup, ýeňişini baýram etdiler.

Geljekki çempionlary ýetişdirmek maksady bilen guralan bu ýaryşyň ýeňijilerine Aşgabat şäheriniň sport we ýaşlar syýasaty Baş müdirliginiň hormat hatlary gowşuryldy.

Gunça GURBANMÄMMEDOWA,

TDBSI-niň Sport žurnalistikasy hünäriniň talyby.