-diýip, Türkmenistanyň futzal ýygyndysynyň horwatiýaly baş tälimçisi Robert Grdowiç gürrüň berýär.

Häzirki wagtda futzal boýunça Türkmenistanyň milli ýygyndy topary Aşgabatda geçiriljek Aziýa çempionatyna güýçli depginde taýýarlyk görýär. Žurnalist  «Türkmenistan Sport» halkara žurnalynyň sport synçysy Gurbangeldi Mämmetsähedow taýýarlyk işiniň gidişi hakda gyzyklanyp, Türkmenistanyň milli ýygyndy toparynyň tälimçisi Robert Grdowiç bilen gürrüňdeş boldy.

Gurbangeldi Mämmetsähedow: Aziýa çempionatyna görülýän taýýarlyk işleri barada pikir alyşmakdan başlaýaly.

Robert Grdowiç: Taýýarlyk işleriniň geçişi meni doly kanagatlandyrýar, ol maksadalaýyk geçýär diýip aýdyp bilerin. Çünki, okuw-türgenleşik işlerini, ýoldaşlyk-barlag duşuşyklaryny göz öňünde tutuşymyz ýaly geçirmäge bize doly mümkinçilik döredildi. Işler maksadalaýyk geçirilen halatynda oňyn netijeleri gazanmaga mümkinçilik artýar.

Gurbangeldi Mämmetsähedow: siziň öňüňizde uly wezipe goýuldy. Bu barada nähili duýgulary başdan geçirýändigiňizi aýdaýyň.

Robert Grdowiç: Indi taýýarlygyň iň aýgytly döwri geldi. Göwnejaý taýýarlyk görmäge döredilen ajaýyp mümkinçilikler üçin degişli adamlara tüýs ýürekden hoşallyk bildirýärin. Jogapkärli ýaryşa taýýarlyk görmek üçin ähli şertler döredildi. Indi gezek biziňki. Biz hem özümize bildirilen ynamy ödemek üçin ähli başarnygymyzy gaýgyrmarys.

Gurbangeldi Mämmetsähedow: meýilleşdirilýän taýýarlyk işleriňiz we ýaryşlaryňyz barada hem gürrüň beräýseňiz.

Robert Grdowiç: Ýanwar aýynyň ahyrynda Birleşen Arap Emirliklerinde okuw-türgenleşik ýygnanyşygyny geçireris. Fewral aýynda bolsa Taýlandda geçiriljek halkara ýaryşa gatnaşmagy meýilleşdirýäris.

Gurbangeldi Mämmetsähedow: öňdäki jogapkärli ýaryşda üstünlik arzuw edýäris!