Aşgabat şäheriniň Ýöriteleşdirlen küşt we şaşka mekdebinde 8, 12 we16 ýaşa çenli türgenleriň arasynda küşt boýunça Aşgabat şäheriniň birinjiligi tamamlandy.

8 ýaşa çenli oglan-gyzlaryň arasynda küşt boýunça geçirilen ýaryşa jemi 82 türgen (58 oglan, 24 gyz) gatnaşdy. Ýaryşyň netijesi boýunça oglanlardan T.Imanow I orna, E.Berdiýew II orna, S.Hatamow III orna gyzlardan P.Serdarowa I orna, Z.Imanowa II orna, A.Mammedowa III orna mynasyp boldy.

12 ýaşa çenli oglan-gyzlaryň arasynda geçirilen ýaryşda 171 küştçi (122 oglan, 49 gyz) bäsleşdi. Duşuşyklaryň netijesi boýunça oglanlardan M.Muhammedow I orny, R.Begmyradow II orny, W.Agamyradow III orny, gyzlardan M.Gurbangeldiýewa I orny, A.Atabaýewa II orny, M.Ilamanowa III orny eýeläp ýeňşini baýram etdi.

16 ýaşa çenli küştçüleriň arasynda geçirilen ýaryşda oglanlardan A.Annageldiýew I orna, E.Kuliýew II orna, A.Gubataýew III orna, gyzlardan M.Agajanowa I orna, M.Batyrowa II orna, A.Imamberdiýewa III orna mynasyp boldy. Ýeňijiler ýaryşa gatnaşan 74 oglandan, 21 gyzdan tapawutlanmagy başardylar.

Ýunus ALLANAZAROW,

Türkmen döwlet medeniýet institutynyň talyby.

Surata düşüren Begenç HALLAÝEW