Merkezi Aziýa sebitiniň futzal ýygyndylarynyň haýsy birini alyp görseňem, olaryň netijeli oýun görkezmäge ukyplydygyny görmek bolýar. Şu nukdaýnazardan gyrgyzystanly futzalçylardan hem Aşgabatda netijeli oýna garaşmak bolar.

Saýlama tapgyrda görkezen netijesinden çen tutsaňam, ozalky Aziýa çempionatlaryndaky çykyşlaryna baksaňam Gyrgyzystanyň futzal ýygyndysynyň «B» toparçada öňdäki iki ornuň birini eýelemäge esasy dalaşgärleriň biridigini aýtmak bolar.

«B» toparçada Aziýanyň iki çempionynyň biri bolan Ýaponiýanyň çykyş edýändigi üçin 1-nji orun ugrunda ýiti bäsleşik dowam etjekdigini aýtmak bolar.

Häzirki wagtda Aşgabatdaky futzal baýramyna ykjam taýýarlanýan gyrgyzystanly futzalçylaryň öňlerinde goýlan wezipä näderejede hötde gelip biljekdigi bäsleşigiň dowamynda belli bolar.

www.msy.gov.tm