Aşgabat şäherindäki Olimpiýa şäherçesi Kuraş boýunça dünýä çempionatyna gatnaşyjylaryň ilkinji toparyny kabul etdi. Bir aýdan gowrak wagt bäri ýurdumyzdaky ilkinji «akylly» şäherde — Arkadag şäherinde türgenleşen Türkmenistanyň erkekler we zenanlar ýygyndylarynyň tälimçilerdir türgenler düzümiOlimpiýa şäherçesindäki «Türgenler» myhmanhanasyna gelip ýerleşdi. Olar myhmanhanada dabara we duz-çörek bilen garşylanyldy.

Ýeri gelende aýtsak, dünýä çempionatyna gatnaşýan döwletleriň ählisiniň wekilleri şu myhmanhanada ýerleşer. Ýaryşyň guramaçylyk topary tarapyndan sport wekiliýetleriniň ähli amatlyklaryň gurşawynda ýaşamagy üçin giň mümkinçilikler döredildi.

Türkmenistanyň milli ýygyndysynyň Arkadag şäherinden ýaryşyň geçiriljek ýerine — paýtagtymyza geçmegi dabaraly çärelere beslendi. Olar sport ruhuna kybap dabaralaryň gurşawynda Arkadag şäherindäki «Märkaw» myhmanhanasyndan çykyp, özlerine garaşýan awtobuslara mündüler. Az salymdan awtobuslaryň kerweni paýtagtymyza gelip, milli ýygyndymyzy Olimpiýa şäherçesine getirdi.

Agageldi ITALMAZOW,

žurnalist.