Polina Gurýewa «Türkmenistanyň at gazanan sport ussady» diýen hormatly adyň eýesi boldy. Türkmenistanyň Prezidentiniň hormatly ady dakmak baradaky Permanyny Aşgabatdaky Olimpiýa şäherçesinde geçirilen dabarada (21.08.2021) Türkmenistanyň Ministrler Kabinetiniň Başlygynyň orunbasary Serdar Berdimuhamedow okady.
Dabarada Polina Gurýewa ähli amatlyklary bolan ýaşaýyş jaýynyň, «Lexus LX570 Sport Plus» ýeňil awtoulagynyň açarlary we 50 müň amerikan dollary möçberinde pul sylagy gowşuryldy.
Agyr atletikaçy Polina Gurýewa XXXII tomusky Olimpiadada 59 kilograma çenli agramda çykyş etmek bilen kümüş medal eýeläp, Türkmenistanyň Olimpiýa oýunlaryndaky ilkinji medalyny gazandy.
