2020-nji ýylyň 4-nji dekabrynda geçirilen Ministrler Kabinetiniň sanly wideoaragatnaşyk arkaly nobatdaky mejlisiniň barşynda hormatly Prezidentimiz «Türkmenistan — Bitaraplygyň mekany atly täze kitabynyň çapdan çykandygyny habar berdi.
Hormatly Prezidentimiziň bellemegine görä, bu täze kitapda türkmen Bitaraplygynyň taryhy kökleri, onuň gözbaşlary, ýurduň halkara gatnaşyklaryndaky orny dogrusynda beýan edilýär. Häzirki wagtda Türkmenistan Bitaraplyk halkara hukuk ýagdaýyna esaslanyp, dünýäniň abraýly guramalary, köp sanly döwletleri bilen hoşniýetli gatnaşyklary alyp barýar.
Habar berlişi ýaly, türkmen Bitaraplygynyň milli esaslary, häzirkizamanyň çylşyrymly meseleleri bu kitapda öz beýanyny tapýar. Hormatly Prezidentimiz täze kitabynyň hemişelik Bitaraplygymyzyň şanly 25 ýyllygyna sowgat hökmünde ýazandygyny nygtap, wise-premýerler M.Mämmedowa, R.Meredowa, Ç.Amanowa 12-nji dekabrda belleniljek baýramçylyga çenli onuň tanyşdyrylyş dabaralaryny guramaga rugsat berdi.
Aganepes AKUMMEDOW,
Türkmenistanyň telekommunikasiýalar we informatika institutynyň mugallymy.
Allamyrat GELDIÝEWIŇ kollažy.
