2020-nji ýylyň I liga futbol toparlarynyň arasynda Türkmenistanyň birinjiliginiň Daşoguz welaýatynyň zolaklaýyn ýaryşynda jemleýji, 14-nji tapgyryň duşuşyklary geçirildi.
Geçirilen duşuşyklarda 40 utuk toplan «Turan» topary ýaryş tertibinde birinji orny eýeläp, jemleýji bäsleşikde çykyş etmäge hukuk gazandy. 36 hem-de 22 utukdan toplan «Almaz» bilen «Täze ýol» toparlary degişlilikde 2-nji we 3-nji orunlary eýelediler.
Daşoguz welaýatyna wekilçilik edýän toparlaryň 8-siniň baş baýrak ugrunda bäsleşendiklerini ýatladýarys.
Ýeri gelende aýtsak, birinji liganyň duşuşyklary welaýatlarymyzyň hemmesinde geçirilip, her zolagyň ýeňijisi jemleýji bäsleşikde çykyş eder.
