Türkmenistanyň hemişelik Bitaraplygynyň şanly toýy mynasybetli ýurdumyzyň paýtagtynda we welaýatlarynda birnäçe ýaryşlar geçirilýär. Şeýle ýaryşlaryň biri hem ýeňil atletika boýunça Türkmenistanyň açyk çempionatydyr.

Çempionat paýtagtymyzdaky Olimpiýa şäherjiginiň Ýeňil atletika toplumynda guraldy. Bu ýaryş ýurdumyzyň türgenleriniň sportuň bu görnüşi boýunça ýaryşlara ykjam taýýarlyk görýändikleriniň  ýene bir gezek subutnamasy boldy.

Ýurdumyzyň iň güýçli türgenlerini bir ýere jemlän bu ýaryş Türkmenistanyň Sport we ýaşlar syýasaty ministrligi, Aşgabat şäher häkimligi we Türkmenistanyň Ýeňil atletika federasiýasy tarapyndan guraldy.