Şu gün (01.11.2020) Türkmenistanyň hemişelik Bitaraplygynyň şanly 25 ýyllygy mynasybetli Atly sportuň konkur görnüşi boýunça Türkmenistanyň çempionaty geçirildi.
Aşgabat atçylyk sport toplumynyň açyk manežinde guralan bu bäsleşige sportuň olimpiýa görnüşleriniň sanawyna girýän konkury saýlap alan ýaşlaryň uly topary gatnaşdy.
Türkmenistanyň Sport we ýaşlar syýasaty ministrliginiň, Aşgabat şäher häkimliginiň hem-de «Türkmen atlary» döwlet birleşiginiň bilelikde guramagynda geçirilen bu çempionatyň jemi boýunça tapawutlanan türgenler hormat münberine çykdylar.
Atly sportuň konkur görnüşi boýunça guralan çempionatda çykyş eden türgenleriň Türkmenistanyň hemişelik Bitaraplygynyň şanly 25 ýyllygyny sowgatly garşylamak üçin başarnyklaryny görkezdiler.
Ýurdumyzyň oba hojalyk toplumy Atly sportuň konkur görnüşi boýunça Türkmenistanyň çempionatyna hemaýatkärlik etdi.
www.msy.gov.tm
Surata düşüren Dörtguly MYRATGULYÝEW,
«Türkmen sporty» gazeti.
