Hormatly Prezidentimiziň ýaşlaryň arasynda bedenterbiýä we sporta bolan höwesini artyrmak barada beren tabşyryklaryndan ugur alnyp, ýurdumyzyň degişli guramalary tarapyndan meýilnamalaýyn işler durmuşa ornaşdyrylýar. Şeýle işleriň hatarynda Türkmenistanyň Sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasynyň jogapkärliginde geçirilen sport çärelerini agzap bolar.
(27.04.2020) «Türkmenistan » Ýaşlar bedenterbiýe-sport guramasynyň Balkan welaýat bölüminiň gurnamagynda Balkanabat şäheriniň 15-nji we 7-nji orta mekdeplerinde okuwçylaryň arasynda woleýbol boýunça gyzlaryň arasynda ýaryş geçirildi.
(27.04.2020) Balkan welaýatynyň Türkmenbaşy şäheriniň 5-nji orta mekdebinde okuwçylaryň arasynda tanap çekmek boýunça oglanlaryň we gyzlaryň ýaryşy geçirildi.
(27.04.2020) «Türkmenistan » Ýaşlar bedenterbiýe-sport guramasynyň Mary welaýat bölüminiň gurnamagynda Mary şäheriniň 6-njy orta mekdebinde woleýbol boýunça oglanlaryň arasynda şäher birinjiligi geçirildi.
(29.04.2020) «Sagdyn nesil – sagdyn jemgyýet » şygar astynda Daşoguz şäher Ýaşlar Merkezinde wagyz-nesihat çäresi geçirildi.
(30.04.2020) Balkan welaýatynyň Magtymguly etrabynyň sport mekdebinde ýeňil atletika boýunça orta mekdepleriň okuwçylarynyň arasynda ýaryş guraldy.
(30.04.2020.) Aşgabat şäheriniň Türkmenistanyň Gurbansoltan eje adyndaky 72-nji orta mekdebinde şaşka, küşt, stol tennisi, türkmen milli çilik oýny we alty çöp oýuny boýunça ýaryş geçirildi.
(01-08.05.2020) Aşgabat şäheriniň orta mekdepleriniň 2008-2009-njy ýylda doglan okuwçylarynyň arasynda «Altyn top » atly futbol boýunça ýaryşa badalga berildi.
Türkmenistanyň Sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasy.
