Grek-rim göreşi boýunça ýetginjekleriň arasynda geçirilen Türkmenistanyň çempionaty tamamlandy.

Lebap welaýatynyň Türkmenabat şäheriniň 2-nji sport mekdebinde guralan çempionata 8 topar gatnaşdy. Ýaryş 2-4-nji fewral aralygynda geçirildi. Bu ýerde türgenler 10 agram derejesinde bäsleşdiler.

Şol çempionatda «Olimp» orta sport mekdebiniň türgenleri has netijeli çykyş etdiler. Ýaryşyň netijesinde «Olimp» orta sport mekdebiniň türgenleri baýrakly orunlaryň 7-sini eýelemegi başardylar.

Orazmyrat Jumadurdyýew (48 kg.) bilen Parahat  Aşyrow (60 kg.) deň-duşlaryndan saýlanyp I orny eýeläp, ýeňşini baýram etdi.

Begzat Saparbaýew  (60 kg.) bilen Jorabek Rustamow (80 kg.) bolsa II orny eýelemegi başardy.

Kaka Çariýew (45 kg.), Resulberdi Gurbanberdiyew (45 kg.) we Surki Surkiyew (110 kg.) öz agram derejelerinde III orna mynasyp boldular.

Bäsleşigiň jemi jemlenende «Olimp» orta sport mekdebi umumytoparlaýyn ýaryşda 1-nji orny eýeldi.

www.msy.gov.tm