Türkmenistanyň «Arkadag» futbol kluby AFK-nyň Çagyryş Ligasynyň ýarym finalynyň jogap duşuşygynda Kuweýtiň «Al-Arabi» toparyny ýeňdi.
Duşuşyk Arkadag şäherindäki stadionda geçirilip, 3:0 hasabynda meýdança eýeleriniň peýdasyna tamamlandy. Ýeňijileriň düzüminde Şanazar Tirkişow (7-nji we 90+4-nji minutlar) iki gol geçirdi, ýene bir goly Altymurad Annadurdyýew (58-nji minut) öz adyna ýazdyrdy.
9-njy aprelde El-Kuweýtde geçirilen ilkinji duşuşykda Wladimir Bajramowyň şägirtleri 0:2 hasaby bilen ýeňlipdiler. Iki duşuşygyň jemi boýunça «Arkadag» finala çykdy.
Ýaryşyň finaly 10-njy maýda geçiriler, «Arkadag» toparynyň garşydaşy 17-nji aprelde geçiriljek «Preah Khan Reach Svay Rieng» (Kamboja) we «Madura United» (Indoneziýa) toparlarynyň duşuşygyndan soň belli bolar.
